ಮುಖ್ಯಾಂಶಗಳು: “₹1,400 ಕೋಟಿ ಆಸ್ತಿ ಇದೆ, ಕಾನೂನಿನಲ್ಲೇ ಸಂಪಾದಿಸಿದ್ದೇನೆ”: ಡಿಕೆಶಿ – “ಕುಮಾರಸ್ವಾಮಿ ಐಟಿ ಅಧಿಕಾರಿಯೇ?” ಡಿಕೆ ಶಿವಕುಮಾರ್ ತಿರುಗೇಟು! – “ಗೊಡ್ಡು ಬೆದರಿಕೆಗಳಿಗೆ ಹೆದರಲ್ಲ”: ಕುಮಾರಸ್ವಾಮಿಗೆ ಡಿಕೆಶಿ ಸವಾಲು – “ಆಸ್ತಿ ಮಾಹಿತಿ ಇದ್ದರೆ ಐಟಿ ಇಲಾಖೆಗೆ ಕೊಡಿ”: ಡಿಕೆಶಿ – “₹1 ಲಕ್ಷದ ನಿವೇಶನ ಈಗ ₹20 ಕೋಟಿ!” ಆಸ್ತಿ ಮೌಲ್ಯದ ಬಗ್ಗೆ ಡಿಕೆಶಿ ಹೇಳಿಕೆ – ನೈಸ್ ಆರೋಪಕ್ಕೆ ಡಿಕೆಶಿ ಪ್ರತಿಕ್ರಿಯೆ: ಮತ್ತೆ ತೀವ್ರಗೊಂಡ ವಾಕ್ಸಮರ! -“ನನ್ನ ಬಳಿ ಇಂದಿನ ಮೌಲ್ಯದಲ್ಲಿ 1,400 ಕೋಟಿ ರೂಪಾಯಿ ಆಸ್ತಿ ಇದೆ. ಅದನ್ನು ಕಾನೂನು ಚೌಕಟ್ಟಿನಲ್ಲೇ ಸಂಪಾದಿಸಿದ್ದೇನೆ!” ಎಂದು ಡಿ.ಕೆ. ಶಿವಕುಮಾರ್ ಹೇಳಿದ್ದಾರೆ. ಕೇಂದ್ರ ಸಚಿವ ಎಚ್.ಡಿ. ಕುಮಾರಸ್ವಾಮಿ ಅವರ ಆರೋಪಗಳಿಗೆ ದೆಹಲಿಯಲ್ಲಿ ಪ್ರತಿಕ್ರಿಯಿಸಿದ ಡಿಕೆಶಿ, ತಮ್ಮ ಆಸ್ತಿಯನ್ನು ಈಗಾಗಲೇ ಘೋಷಿಸಿರುವುದಾಗಿ ತಿಳಿಸಿದ್ದಾರೆ. “ನಾನು ರೈತನ ಮಗ, ಉದ್ಯಮಿ. ನನಗೂ, ನನ್ನ ಮಕ್ಕಳಿಗೂ ಕಾನೂನಿನ ಪ್ರಕಾರ ಆಸ್ತಿ ಖರೀದಿಸುವ ಹಕ್ಕಿದೆ” ಎಂದು ಸಮರ್ಥಿಸಿಕೊಂಡಿದ್ದಾರೆ. ಆಸ್ತಿ ವಿಚಾರದಲ್ಲಿ ಮಾಹಿತಿ ಇದ್ದರೆ ಆದಾಯ ತೆರಿಗೆ ಇಲಾಖೆಗೆ ನೀಡಲಿ ಎಂದು ಕುಮಾರಸ್ವಾಮಿಗೆ ಸವಾಲು ಹಾಕಿದ್ದಾರೆ. ಬಂಗಾರಪ್ಪ ಅವರ ಕಾಲದಲ್ಲಿ ಸುಮಾರು ಒಂದು ಲಕ್ಷ ರೂಪಾಯಿಗೆ ಖರೀದಿಸಿದ ನಿವೇಶನದ ಮೌಲ್ಯ ಈಗ 20 ಕೋಟಿ ರೂಪಾಯಿಯಾಗಿದೆ ಎಂದು ಉದಾಹರಣೆ ನೀಡಿದ್ದಾರೆ. ವಿಧಾನಸೌಧದ ಮೆಟ್ಟಿಲುಗಳ ಮೇಲಿನ ಚರ್ಚೆಯ ಸವಾಲಿಗೂ ಪ್ರತಿಕ್ರಿಯಿಸಿ, ವಿಧಾನಸಭೆಯೊಳಗೆ ಚರ್ಚೆ ನಡೆಯಲಿ ಎಂದಿದ್ದಾರೆ. “ಗೊಡ್ಡು ಬೆದರಿಕೆಗಳಿಗೆ ಹೆದರುವುದಿಲ್ಲ” ಎಂದಿರುವ ಡಿಕೆಶಿ, ಕುಮಾರಸ್ವಾಮಿ ಆರೋಪಗಳನ್ನು ತಳ್ಳಿಹಾಕಿದ್ದಾರೆ. ಆಸ್ತಿ ಮತ್ತು ನೈಸ್ ಯೋಜನೆ ಕುರಿತ ಇಬ್ಬರು ನಾಯಕರ ವಾಕ್ಸಮರ ಮತ್ತೆ ತೀವ್ರಗೊಂಡಿದೆ. Post navigation ಚೀನಾಗೆ ಸೋಲು… ಭಾರತಕ್ಕೆ ಚಿನ್ನ! ವಿಶ್ವ ದಾಖಲೆ ಸಮಗಟ್ಟಿದ ವನಿತೆಯರು! ಆರ್ಟಿಒ ಹುದ್ದೆಗೆ ₹2 ಕೋಟಿ? ಕನ್ನಾಳೆ ಡೈರಿಯಲ್ಲಿ ಹಣದ ಲೆಕ್ಕ!
